TINCIXAN TİNLƏR

Hər yan göstərilər, göstərgələr, göstərişlər

Hər yön oxlar, çizgilər, imlər

Boş qalıblar, çarpıq biçimlər

Çarpışan yönlər

Çevrə qısır reкlamlar ormanı

Metalik çimlər...

Gecəleyin göўdələnlərdən yüksəklik hürküsü oyanır;

Aslaq körpülər aralıq qorxusu salır.

İnsanlar, deўil içlərindən gəldiўi kimi,

öўrədildiўi kimi göstəriş üzrə davranır.

Öyrəşdikləri çalarda ötən evcil quşlar kimi

birağızdan, təkçalarlı və uyumlu:

köklənmiş, düzgün, uzduyumlu

Qurulu cihazlar kimi taqa-taqa, taq-taq...

Dodaqlara gülümsəmə yamamışlar

Hamı ömürboyu mutlu görünməўə məhkum edilmişdir.

Bağlantı telləri qopuq,

Qullar öz çevrəsinə tikanlı tellər hörür

Kölələr betondan piramidlər qurur...

Torpaq, betonla qısırlaşdırılmış

Çevrə: səs kirliliўi, görüntü çirki, kimya bataqlığı

bilgi çöplüўü içində kifir uyğarlıq,

kifsəmiş qalabalıq

Ortalıq: ‘kütlə’ atıqları...

Qanov damarlarında ağı axır

Tellərdə arxçasıçanları qulaqlarımızı gəmirir

Beynimiz bulaşıq maşınlarında yuyularaq ağ-appağ olmuş!

Hər yan yaşamı кariкatürcə yaŋsıdan aynalarla qaplı

və özəl hərimlər-

sırçadan damlar...

Cam ardında dondurulmuş ruhlar

Yığınlar, çoxqatlı sement sinlərə sinmiş canlı cəndəklər

Təkə-tük dik baş, qalabalıqda tək

Dörd yan eleкtro-meğnatik xəndəklər...

Uyğarlıq canavarınıŋ dışqısı:

Beton, dəmir və plastik çöplüўü şəhərlər

Şişkin uruqlar, yengəc urları

Çoxaldılmış sıradan seri yapaylıq

Ucuz tükədim oburluğu, tez-bəsin:

Ucuz tükənmək...

Çiçəkləriŋ adını bilmədən soluruq

Gerçək meyvələriŋ dadını dilmədən ölürük

Dilsiz teknolojik devlər çağındayıq

İnsanüstü düzənəklər nəzm ilə çalışır

ve nâzim’iŋ qulağını çınladır:

Tü-kət! Tü-kən! Tü-kə!...

Soluğum solmuş!

Torpağı unutmuşam

Torpağa dönmək istəyirəm,

ormana, suya, havaya

əkilmək istəyirəm

dikilmək istəyirəm

dik ölmək istəyirəm...

Dörd unsurumdan iraq-

Tıncıxmaq istəmirəm;

Çürümək istəyirəm!...

5 Nisan ’11

_________________________

Tin: can

Uzduyumlu: uzaqdan duyan

Uruq: şəhər

Yengəc uru: sərətan/кanser qüddəsi

Tez-bəsin: fast-food

Düzənək: mexanizm

Soluq: nəfəs

Ərksiz: ixtiyarsız

Ərkin: âzâdə, hür