TINCIXAN TİNLƏR

Hər yan göstərilər, göstərgələr, göstərişlər

Hər yön oxlar, çizgilər, imlər

Boş qalıblar, çarpıq biçimlər

Çarpışan yönlər

Çevrə qısır reкlamlar ormanı

Metalik çimlər...

Gecəleyin göўdələnlərdən yüksəklik hürküsü oyanır;

Aslaq körpülər aralıq qorxusu salır.

İnsanlar, deўil içlərindən gəldiўi kimi,

öўrədildiўi kimi göstəriş üzrə davranır.

DÜNYA YIXILASI...

(alaylama)


«Dünya tosbağa üzərində bir öküzüŋ boynuzlarınıŋ üstündəymiş...»

Əti qurbanlıq:

Sağçı geriçiləriŋ halal şorbası! Pitisi, tiltəsi...

Erkəksə də sağılıq:

Südü sağıcı emperyalizmiŋ ürətkən sömürgəsi; “salt assı”!*

NAĞIL ADAM

(Çağdaş Bir Şamansı Yoğ)

«Qırx gün, qırx gecə keçdi...»

Qamtörə’yə görə özqonuğuŋ (ruh) 7 kipiniŋ 6-ci biçimi ‘sünə’, ölümdən qırx gün soŋrakı tözsüz (cismsiz) ara biçimidir. 40 gün (bütünlük simgəsi, çilə) bitincə “özüt” biçiminə dönüşərək uçmağa varır, qutsal döngü soŋucu ilk kipi olan “qut” (Evrənsəl Öz) bütününə qovuşur...

«Qanı (hanı) didügüm bəg ərənlər

Dünya mənüm diyənlər?

Əcəl aldı, yir gizlədi

Fānī dünya kimə qaldı?

Gəlimlü gidimlü dünya

Soŋ ucı ölümlü dünya!...»

— Qorqud Ata

İlkçağ’da nağıl-ayin yaşam ağacından törənmiş Yaşıl Ada-m!

Nağıllar Çağı çoxdandır qapanmış:

Sən bu qarğın çağıŋ adamı deўildiŋ;

Köksündə köçürdüўüŋ nağıllar ölkəsinə çəkildiŋ...

Aŋsızın göўüŋ köksündə bir ulduz kimi əskildiŋ...

Nağıl adam!

Sənsiz bu yalan dünya necə də yalıŋ qalacaq!

Sənsiz bu Qaraŋlıq Dünya’ya

bu issiz Yer’ə necə də yadam!